في الفؤاد ترعاه العناية
بين ضلوعي
الوطن العزيز
لي عداهو بسوي النكايا
إن هزمت بلمم قوايا
غير سلامتك ماعندي غاية
إن شاء الله تسلم وطني العزيز
مرفعينين ضبلان وهازل
شقو بطن الأسد المنازل
نبقى حزمة كفانا المهازل
نبقى درقة وطني العزيز
كيف ما أرعى الوطن الرعاني
أسعاه وأشيلو وأعاني
الشباب والشيب شجعاني
قالو نفدي الوطن العزيز
من حلوق الريف لي خدوده
البلاد معروفات حدودةه
سودنا جمالنا وقالوا خودة
يلاقي ضرر الوطن العزيز
بضيع أعشق صيدو ورمالو
ماببيعو وأقول مالي مالو
مابكون عارف البي حبالو
ساقية تسقي في وطني العزيز
ما بهاب الموت المكشر
ما بخش مدرسة المبشر
عندي معهد وطني العزيز
عندي وطني بقضالو حاجة
كيف أسيبو وأروح لي خواجة
يغني وطنو ويجيبلي حاجة
في هواك ياوطني العزيز
نحنا للقومية النبيلة
مابندور عصبية القبيلة
تربي فينا ضغائن وبيلة
تزيد مصايب الوطن العزيز
مالي مال تاريخ القبيلة
نحنا حبة وحيدة وأصيلة
علومنا جديدا وقبيلا
أمة واحدة بوطني العزيز
كتبهاالفاتح عثمان فضايلو ،