أغلى من عينيا
يا أغلى من عينيا
وأحلى من إبتسامي
أحن من المحنة
في رقة سلامي
بعادك طال
*
مكتوب في جبيني
غرامك وإنتى عارفوا
باين في كلامي
وفي عينيا شايفوا
قلبي دعاهوا حبك
كيف يقدر يخالفوا
لكن بعادك طال
*
يا أصدق مودة
عاشت في الضمير
تقاسمني المسرة
تملا فؤادي نور
أنسى معاك صعابي
يهون أمري العسير
لكن بعادك طال
*
وأقول ليك يا حبيبي
غيرك مافي تاني
ليك نزرته عمري
ليك رقيق حناني
من جنة هوانا
نسقي الناس أغاني
لكن بعادك طال
*
يا أغلي من عينيا
وأحلى من إبتسامي
أحن من المحنة
في رقة سلامي
بعادك طال