حـرم النـور..سـمح العلم..سمـحه الشـهادة..ياحـليلنا نحـنا قطـرنا فااات!!!
مايفعله الفنان بابكر صديق عبر برنامج(نجوم الغد)عمل كبير يستحق وقفة تقدير واجلال..
استطاع فى فترة وجيزة لفت الانظار الى مواهب مبدعة فى مجال الغناء وكتابة الشعر ونظم القصيد واكتشافها وتقديمها الى
المجتمع حيث الفضاء رحيب يسع الجميع..
بعض الشباب ممن ظهروا عبر برنامجه يشقون الان طريقهم بخطى واثقة ويفتحون بابا للامل فى عطاء ابداعى واعد..واحدة
من انجازاته ان الكثيرين منهم ومنهن يزاحمون الان باعمال خاصة دون الاعتماد على القديم رغم طلاوته وندواة اصواتهم
فى اداءه..كثيرون وكثيرات سدوا بابا فى مغالاة بعض الفنانين فى احياء الحفلات والمناسبات رغم تحفظاتى بعدم المغامرة فى
اقتحام مثل تلك المجالات دون تثبت وتجويد راكز..
الواعدة حرم النور والبعض يعقد مقارنة تظلمها هى والفنانة ندى القلعة..حرم صارت حديث الناس وهى تتجه بخامة صوتها
الرويان والمفعم نحو غناء التراث والحماسة واغانى البنات بصورة لافتة..حرم وهى تفوز فى التصفيات النهائية فى نجوم الغد فى حلقة سوف تبث قريبا ادت اغنية خاصة..خالصة من انتاجها تحث على اهمية العلم ومخاطر الزواج المبكر والصالة طربانة والصبايا الجميلات بتن فى اطراق..
حرم النور وهى تعتلى المسرح واثقة الخطو رغم صغر السن تتطلع نحو الاعمق وهو مالم تستطعه (القلعة)ومثلها كثيرات.
.
الفنان بابكر صديق يحتاج وساما من الدرجة الاولى ومقاما عليا..ويستحق ان يتحول برنامجه الى مؤسسة ضخمة ترعى
المواهب وتسير بهم فى الطريق الصحيح..والواعدة حرم النور ورفقائها والرفيقات الازاهر يحتاجون دعما كبيرا وجهدا نبيلا..
-
يايما كان ماساي اراده سمح العلم سمحة الشهادة
ياحليلو نحنا قطرنا فاة
زمان اكان والدك يعاكس لاتقري لا تدخلي المدارس
يا حليلو نحنا قطرنا فاة
ماقلنا بنحيا قدر دا كلو ونشوف بنات جيل واعظ ارث
ياحليلو نحنا قطرنا فاة
الوحده من سن 14 يدوها لي الفي تجارتو شاطر
ابوك يدهو من غير مايشاورك من غير تشوفي تقولي حاااضر
ياحليلو نحنا قطرنا فاة
الله لينا الماقرينا يا الانترنت سويتا فينا
يا حليلو نحنا قطرنا فاة
اريتك كان جيت في زمنا كان لي الويب سايد ملينا
يا حليلو نحنا قطرنا فاة
نقول قسمتنا كدا نسويها انا حبوبا قريب لي المية
يا حليلو نحنا قطرنا فاة
لا ببقي دكتور لا وزيره ينفعني محو الامية
يا حليلو نحنا قطرنا فاة
(دخلتن الجامعه ورطنتن انجليزي لبك معجن)
يا حليلو نحنا قطرنا فاة
النصو عربي وشيتآ تاني بتعرفنو براكن انتآ
ياحليلو قطرنا فاة
ياحليلو نحنا قطرنا فاة
اصدقائــــــــــــي اليكم:
سمعنا اوشهدنا او يمكن القول بانة مرت علينا طلبات زواج بالنسبة للفتاة غصبا عنك تتزوجي يمة انا مابحبو حرام عليكم منهم
من قال ذلك؟ ومنهم من اجبرت علي الزواج وترك الجامعة برضو غصبا عنك؟؟ يايمة ماكان ساي سمح العلم سمحة
الشهادة؟؟ برضو حتخلي الجامعة؟؟ ردت الام زمان كان والدك يعاكس لاتقري لاتدخلي المدارس ياحليلكم قطركم فات؟؟
هي ايدلوجية نحن من الصعوبة ان تتحكم بها الفتاة اجبرت علي التخلي عن من تحب؟ ولم يكتفو بذلك بل اجبرت علي
الارتباط برضو غصبا عنك؟؟ هنا تدور الاسئلة؟؟
هل فعلا قطركم فات؟؟
ولا زي مابقولو سمح العلم سمح الشهادة؟؟
هل في زمنا دة بناخد راي الفتاة ولا بس ماشين بي مقولة ابوكي يديكي من غيري تشوفيهو تقولي حاضر؟؟
الفتاة بتتزوج وهي صغير عمرة 20 او 14 سنة في نظرك دة صاح بتقبلي انك تتزوجي في السن دة؟؟
هل حتقبلي المغامرة دي في انك تتزوجي وسنك صغير؟ ولا احمدي الله علي شي اداكي ليهو وحرمو من غيرك؟؟
ولا الزمن دة الانترنت ليهو عامل مهم في انك تختاري شريك حياتك ولا حتقعدي تقولي الله لينا ماقرينا يا الانترنت سويتا فينا؟؟
رايك شنو في الزواج في عصرنا دة هل احسن من زمان ولا كيف مع العلم بانو زمان ماكان في بت بياخدو راية في زوجة؟؟
يلا يابنــــــــــــــــات ؟؟؟؟؟؟؟؟؟؟؟؟؟؟؟
الاهداف
سمعتك فى الموقع
موضوع: الفنانة حرم النور 
الجمعة سبتمبر 04, 2009 10:12 am
العمر