هبة يوسف البوشى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


 
الرئيسيةالبوابةالمنتدياتستونا المجروس و السينما المصرية Ouoouo10أحدث الصوردخولالتسجيل
مواضيع مماثلة

 

 ستونا المجروس و السينما المصرية

اذهب الى الأسفل 
كاتب الموضوعرسالة
noor
Admin
noor


عدد المساهمات : 371
 الاهداف الاهداف : 1150
سمعتك فى الموقع سمعتك فى الموقع : 0
تاريخ التسجيل : 18/07/2009

ستونا المجروس و السينما المصرية Empty
مُساهمةموضوع: ستونا المجروس و السينما المصرية   ستونا المجروس و السينما المصرية Icon_minitime1الجمعة سبتمبر 04, 2009 11:00 am


المطربة السودانية ستونة : اتصل بي مكتب عادل امام فظننتها حيلة لبرنامج الكاميرا الخفية



ستونا المجروس و السينما المصرية 0665086050



غزة -- دنيا الوطن

من وطأت قدماه ارض الكنانة فسوف يرى بأم عينيه اي شأن عظيم يتسربل فيه نجوم السينما بعز الدنيا وأبهتها.. فليس (حكاية
ساهلة) ان تصبح نجما هناك.. فقصص كثيرة لسالكي طريق النجومية ان سمعتها لقنعت بخانة المتفرجين.
.
فكل مصري يحمل فى داخله فنانا وناقدا لذا كانت القاهرة هوليوود الشرق.. حياة مختلفة وباذخة وغريبة الأطوار يعيشها النجوم.. باختصار مافي زول هناك بيبقى (نجم) بالساهل.. بأي حال ما بتلقاها باردة.
وستونة القادمة من ملتقى النيلين اضحت فى فترة وجيزة من نجوم الصف الأول هنالك تلاحقها عدسات المصورين ان عطست او تنحنحت!.
كيف استطعت مزاحمة نجوم مصر وأن تصبحي نجمة تقف معهم حذو الفيلم بالفيلم؟

بعد مسرحية (مخدة الكحل).. اشتركت في فيلم (صعيدي في الجامعة الأمريكية) منتصف تسعينيات القرن الماضي مع المخرج
سعيد حامد السوداني الأصيل والنجم الكوميدي محمد هنيدي.. لأني تغنيت في حفل زواج سعيد حامد ، فلما جاءته فكرة الفيلم
اتذكر دلاليكى وقال لي تعالي اشتغلي معانا الفيلم.
هذا الفليم أعاد الجمهور المصري للسينما بعد أن جفاها لفترة؟
ايوه.. استطاع ان يعيد السينما لأوجها بعد سلسلة افلام فاشلة عزف عنها الجمهور.. والفيلم احرز شهرة فى المحيط العربي
ويعد احد انجح افلام التسعينيات وما زال يعرض على الشاشات والقنوات ويقبل عليه الناس بنهم.. وحقق ارباحا خيالية حتى
لقب سعيد حامد بمخرج الملايين.

وعادل إمام؟
عملت مسرحية (طبول فاوست) وهي الأخرى نجحت.. وأقول ليك حاجة.. منذ ان كنت صغيرة كنت احلم بأني أمثل مع عادل
امام ، وكنت متأكدة انو اليوم دا حيجي حيجي.. مش حاجة غريبة؟.. وبعد ذلك اتصل بي مدير اعماله وقال لي عادل امام
دايرك تشتغلي معاه فيلم جديد
.
وما كان رد فعلك؟

اتخضيت.. عادل امام؟ معقولة؟ مش ممكن!
وبعد الخضة دي ايه؟
قفلت الخط وقلت في نفسي يمكن دي الكاميرا الخفية والمصريين ديل داير يهبلوني.. بصراحة عملت نايمة ونسيت الفكرة
ودورت في حفلاتي عادي زي الما حصل حاجة!.
تاني اتصلوا علي وشاورت القراب مني قالوا لي يمكن صاح كدي شوفي آخرهم... اتصلوا تالت قمت رديت ووصفوا لي
المكتب ومشيت.
والحصل؟
دخلتي كدة.. ما حتصدق..
بصدق أحكي.
.
لقيت عدد كبير من الممثلين والممثلات المشهورين منتظرين دخلتي كده كلهم وقفوا يصفقوا لمن خجلوني.
وأيه لازم الخجل؟
ما صدقت وكمان هم ما صدقوا أن أجيهم.
للدرجة دي؟

وأكتر بس أنا ما كنت جايبة خبر.. عارف نحنا السودانيين ديل ما بنهتم بنفسنا... الواحد تلقاه مبدع وهامل روحو.

وعادل امام كان موجود؟

كان في البيت قاموا اتصلوا عليه وأدوني ليه في الهاتف.

قال ليك شنو؟
قال : ايه يا ستونا بتتعززي كده مش عايزة تشتغلي معاي وللا ايه؟.. فقلت له انا مش مصدقة ، فقال لي انا برضي مش
مصدق ، وأنا لو ما شاعر انك بتضيفي لمسيرتي الفنية مش كنت راح افتشك.
ولاقيتيه وين ومتين؟
تاني يوم في مسرحه بالهرم عندو مسرحية التقينا في الفاصل ورحب بي جدا وأداني سيناريو اول فيلم معاه (امريكا هالو)
وقال لي اطلبي اي قروش عايزاها نظير عملك معي.
طلبت كم؟

عشرة آلاف
مش بسيطة؟
آه.. انا مش طماعة.. بعدها اشتغلت معاه (طيور الظلام).
دورك في (طيور الظلام) هوجم جدا؟
الدراما علاج لراهن معاش مش معناه انو الدور بينطبق على الممثل.. مافي ناس بتمثل مجرمين وقتلة هل هم كذلك في
حقيقتهم؟
منطق برضو... ما شاعرة انك ظالمة جمهورك في سودانك؟
انا المظلومة.. شاركت لوحدي في مهرجانات عالمية قدمت التراث السوداني.. زول عبرني مافي.. الإعلام ظالمني شديد.
ماحاولتي تبثي اغانيك في قنوات سودانية؟
حاولت... المنتج (....)أخذ مني شغل جاهز ليهو ثلاث سنوات لا انا ولا الجمهور لي حسي ما شفناه!.

وملمات السودانيين هنا؟
بجي حتى بدون دعوات.. انت من جيت القاهرة احسب لاقيتني فى كم فعالية براك.. دا كلو من منطلق حبي لبلدي.. بالمناسبة
لما اشارك في المسرح المصري خارجيا أتمسك بسودانيتي وبحصد ليهم جوائز كمان.
أنت الآن غنية ماديا وفنيا.. ما جابت ليها حبة غرور؟
لزوم شنو؟ ما بتستاهل..
والنجومية العريضة؟
مرهقة وممتعة.. كل بلد امشيها بلقى اهتمام واسع.

من هم اصدقاؤك في الوسط الفني العربي؟
ما عندي.
مالك؟
مجتمعهم صعب.. وأهلي من بقيت اغني قالوا لي لو سمعنا عنك كده وللا كده ما عافين منك دنيا وآخرة.. وأهلي تجانية
ملتزمين وأنا بقدر احترامهم لموهبتى وبحترمهم كذلك.
متابعة غناء البنات في السودان؟
بسمع ندى وهاجر وغيرهم
غناء المغارز والمطاعنات في طبعات شعبية بين الفنانات هنا رايك شنو؟
سمعتوا ودي حاجة مش مشرفة.. عليهم ان يتذكروا ناس الفلاتية المبدعات.. زمنا مافي كلام زي دا.
فنان تستمع له ستونا؟
محمد وردي رغم انو انتقدني بشدة قبل كده وقال الحقوا الفن السوداني من ناس ستونا وجواهر.. كفنان لا ابدله بآخر رغم
قسوته علي.
وأغنية؟
(كلمتي المست غرورك وفرقتنا يا حبيبي).
(طبعا غنتها وسمعتها براي)
السينما حاليا؟

أستعد لفيلم مع اشرف عبد الباقي وحسن حسني.
والمسرح؟
بدرس في عروض كثيرة
والغناء؟
اغنية من اشعار السر قدور ستسمعوها قريب.
جاية الخرطوم متين؟
لو لي حفلة ما بجي الا يكون في استعداد وتجهيز واستقبال وبهرجة ساكت كده ما بجي.
احلام ابوحمامة كملت خلاص بعد وصولك لسدة الفن والمال والشهرة؟
لسه فى احلام ساعية ليها.. طبعي طموحة جدا والدايراه أصل ليهو.. بصل ليهو.
وبالمناسبة عندي مشروع لأطفال دارفور وأطفال مرضى السرطان بمصر حيشارك فيه محمد منير وفنانين عالميين.. وحيكون
حدث مهم ومفيد.. بدل ما تجيبوا لي ليلى علوي وحبة بسكويت وشكولاتة تعالوا لينا نحنا اصحاب الوجعة ديل وشهرتنا اكتر
منها هنا وهناك.. قايلننا ساهليين؟!
قبل ان اغادر محطة ذكريات ستونا وهمومها ورحلة بحثها المضنية عن تحقيق بعض الأحلام الأبو حمامية.. دعتني لحضور
حفل زفاف مصري ، شحدت الله الواطة تضلم سريع لأرى سلطان ستونا الطربي كيف يفعل فى ناس ارض الكنانة.. بدأ الحفل
تمام الواحدة بعد منتصف الليل تعمدت ان ألبد خلف الصيوان ، فالحفل في شارع عام ورأيت قواريرا تتمايل كأن لا عظم بهن
ولا بعض ضلوع ، وستونا تهز وترز بفرقتها المصاحبة.. قرمصيصنا وبخورنا ودلكتنا عابقة في جو الحفل.
لمحتني ستونا من على المسرح وأنا اتاوق فأنتهرتنى بعينيها :
قوم تعال هنا ياولد!.




















الرجوع الى أعلى الصفحة اذهب الى الأسفل
https://5589.ahlamontada.net
 
ستونا المجروس و السينما المصرية
الرجوع الى أعلى الصفحة 
صفحة 1 من اصل 1
 مواضيع مماثلة
-
» صور ستونا المجروس
» الفنانة السودانية ستونا الشهيرة بمجروس وملكة الحنة

صلاحيات هذا المنتدى:لاتستطيع الرد على المواضيع في هذا المنتدى
هبة يوسف البوشى :: ❝۝¸¸. المنتديات❝۝¸¸. :: ❝۝¸¸. اغانى فيديو مواضيع صور شعر❝۝¸¸. :: مطربات السودان :: ستونا المجروس-
انتقل الى:  
أفضل 10 أعضاء في هذا المنتدى
noor - 371
ستونا المجروس و السينما المصرية Vote_rcapستونا المجروس و السينما المصرية Voting_barستونا المجروس و السينما المصرية Vote_lcap 
عزت - 42
ستونا المجروس و السينما المصرية Vote_rcapستونا المجروس و السينما المصرية Voting_barستونا المجروس و السينما المصرية Vote_lcap 
مواطن - 26
ستونا المجروس و السينما المصرية Vote_rcapستونا المجروس و السينما المصرية Voting_barستونا المجروس و السينما المصرية Vote_lcap 
سودانى قوى - 19
ستونا المجروس و السينما المصرية Vote_rcapستونا المجروس و السينما المصرية Voting_barستونا المجروس و السينما المصرية Vote_lcap 
فنان - 19
ستونا المجروس و السينما المصرية Vote_rcapستونا المجروس و السينما المصرية Voting_barستونا المجروس و السينما المصرية Vote_lcap 
الحنان - 15
ستونا المجروس و السينما المصرية Vote_rcapستونا المجروس و السينما المصرية Voting_barستونا المجروس و السينما المصرية Vote_lcap 
سليمان كنان - 11
ستونا المجروس و السينما المصرية Vote_rcapستونا المجروس و السينما المصرية Voting_barستونا المجروس و السينما المصرية Vote_lcap 
سامر عثمان - 11
ستونا المجروس و السينما المصرية Vote_rcapستونا المجروس و السينما المصرية Voting_barستونا المجروس و السينما المصرية Vote_lcap 
awatifcom9 - 11
ستونا المجروس و السينما المصرية Vote_rcapستونا المجروس و السينما المصرية Voting_barستونا المجروس و السينما المصرية Vote_lcap 
شذى ذاهر - 6
ستونا المجروس و السينما المصرية Vote_rcapستونا المجروس و السينما المصرية Voting_barستونا المجروس و السينما المصرية Vote_lcap 
 
اختيار لغه الموقع من هنا
 
Free counter and web stats